![](https://setur.cdn.fo/savn/3953/magni_mohr_mynd.jpg?width=624&height=350&rmode=crop&s=uULexxzL78YjBsIyK_bbvMt4su8)
Nýggjur lektari í heilsuvísindum
Fróðskaparsetrið hevur sett Magna Mohr í starv sum lektari í heilsuvísindum. Starvið er liður í menning av heilsuvísindaliga fakøkinum á Setrinum.
Magni Mohr hevur master- og ph.d.-útbúgving í ítróttarfysiologi frá Keypmannahavnar Universiteti í ávikavist 2001 og 2008. Frammanundan starvssetanina á Setrinum hevur hann verið granskari á University of Exeter, Gøteborg Universiteti og Keypmannahavnar Universiteti. Ein alment væl kend verkætlan hjá honum í Føroyum er verkætlanin “Svim og spæl”, sum er ein ítróttargranskingarverkætlan, har kvinnur, sum ikki regluliga íðkaðu nakran ítrótt, vórðu kannaðar.
Magni er eisini kendur í fótbóltsheiminum, har hann sum fakpersónur m.a. hevur verið knýttur at venjingartoymum hjá stórfeløgunum Chelsea og Juventus.
Magni er sera virkin í sterkum granskingarnetverkum, og er íðin at miðla sína gransking í m.a. altjóða viðurkendum tíðarritum og í bókum. Umframt hollar royndir við gransking hevur hann eisini hollar royndir við undirvísing á øllum akademiskum stigum.
Magni Mohr byrjar í lektarastarvinum tann 1. august 2014, og fær starvsstað á Sjúkrarøktarfrøðideildini í Jónas Broncks gøtu.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...