Nýggjur námslektari á Søgu- og samfelagsdeildini

Súsanna Olsen er sett i starv sum námslektari á Søgu- og Samfelagsdeildini.

Talan er um eitt tíðaravmarkað starv í 1 ár. Súsanna, ið er útbúgvin stjórnmálafrøðingur (cand.scient.pol), kemur at undirvísa á samfelagsligu fakunum á deildini, og annars at luttaka í menningini av verandi útbúgvingartilboðum.

Súsanna Olsen hevur drúgvar royndir við vaksnamannaundirvísing, eisini á universitetsstigi. Hon hevur seinastu árini havt undirvísingarstørv í Danmark, virkað sum deildarleiðari, umframt undirvíst og verið við til at ment útbúgvingartilboðini á Námsvísindadeildini á Setrinum. Hon byrjar í starvinum 1. november.