![](https://setur.cdn.fo/savn/3065/br_09_s.jpg?width=624&height=350&rmode=crop&s=cdE9j1a-1DEIEpvNcwIRYdnn5sE)
Orðabókagrunnurin gevur út
Orðabókagrunnurin gevur út spansk-føroyska skúlaorðabók
Bókin er serliga ætlað miðnámsskúlunum. Í bókini eru útvald leitorð, ið eru mest viðkomandi hjá miðnámsskúlanæmingum og øðrum, ið vilja læra spanskt.
Orðini eru skipað bæði í vanligt stavrað og í evni. Til hvørt kapittul eru nýggjar tekningar eftir listamannin Janus Guttesen.
Tær báðar Randi Meitil og Birgit Remmel, málfrøðingar og lærarar í sponskum og føroyskum í Hoydølum, hava skrivað bókina.
Orðabókagrunnurin fer samstundis at leggja ‘beta-versjón’ av nýggjum orðabókaportali út. Hesin portalur skal geva telduatgongd til allar tær orðabøkur, ið Orðabókagrunnurin gevur út – teirra millum móðurmálsorðabókina.
Spanska orðabókin hevur sítt serliga pláss í nýggja portalinum sum fyrsta skúlaorðabók hjá OBG.
Alnet Studio hevur staðið fyri nýggja portalinum, ið saman við aðrari teldutøkni av álvara fer at flyta orðabøkurnar inn í telduøldina.
Nýggja bókin og portalurin verða løgd fram í Miðlahúsinum fríggjadagin 11. september kl. 16.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...