Pedagoglesandi sleppa ikki í starvslæru
Tað er enn sáttmálaloysi í samband við løn til starvslæruvegleiðarar hjá pedagoglesandi á Námsvísindadeildini. Heldur hetta fram eru tað framvegis nøkur lesandi, sum ikki fáa ásettu starvslæruna.
Fyri summarfrítíðina sluppu 1-árs lesandi ikki í starvslæru á dagstovnaøkinum. Tey skula aftur í starvslæru eftir heystfrítíðina, og verður tað sera óheppið, um tað ikki verður møguligt. Tað vil føra við sær, at tey koma miðvegis í útbúgvingina uttan starvslæru og setir hetta spurnartekin við dygdina í útbúgvingini hjá hesum pedagoglesandi .
Vit á Námsvísindadeildini kunna fyriskipa aðra undirvísing, sum bæði er lærurík og gevandi, men hetta kann ikki koma í staðin fyri eina starvslæru. Starvslæran hevur ítøkilig endamál, sum eru avgerandi fyri útbúgvingina í síni heild.
Tað er tískil átrokandi fyri Námsvísindadeildina, og serliga fyri tey lesandi lesandi, at ein semja finst sum skjótast.
Vit heita tí inniliga á partarnar um at finna eina semju í málinum.
Vinaliga
Námsvísindadeildin
Annika Antoniussen
Útbúgvingarleiðari
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...