Ph.D.-ritgerð hjá Firouzi Gaini góðkend til verju á Fróðskaparsetri Føroya

Týsdagin 11. desember 2007 fer Firouz Gaini, cand.scient.anth. at verja Ph.D.-ritgerðina Ungdómur. Miðlar, mentan & seinmodernitetur í Føroyum við Fróðskaparsetur Føroya.

Í dómsnevndini hava sitið Finnur Magnússon, dosentur, fil.dr., Malmö högskola, Svøríki, Gestur Gudmundsson, professari, Kennaraháskóli Íslands, Reykjavík, Ísland og Beinta í Jákupsstovu, fyrstiamanuensis, dr. Polit, Høgskolen i Molde, Noregi. 

Sjálv verjan, sum er almenn, fer fram í høllini á Søgu og Samfelagsdeildini, Jónas Broncks gøtu 25. Byrjað verður stundisliga klokkan 13.00. 

Ritgerðin liggur alment frammi á Landsbókasavninum.