PhD skeið: “Ávirkan av havi og veðurlagi á havvistskipanir”
Náttúruvísindadeildin bjóðar nú eitt PhD skeið við heitinum “Ávirkan av havi og veðurlagi á havvistskipanir”.
Náttúruvísindadeildin bjóðar nú eitt PhD skeið við heitinum “Ávirkan av havi og veðurlagi á havvistskipanir”. Byrjað verður í februar 2010. Fortreyt fyri at taka skeiðið er lokin bachelorútbúgving í náttúruvísindum (ella tilsvarandi).
Skeiðið gevur eina breiða lýsing av, hvussu livandi verur og vistskipanir eru bundnar av fysiskum eginleikum og tilgongdum í havinum og av veðurlagnum. Tað verður skipað eftir bókini “Dynamics of Marine Ecosystems” hjá K.H. Mann og J.R.N. Lazier (3. útg., ISBN: 978-1-4051-1118-8), men verður útbygt við ymsum vísindaligum ritgerðum. Viðgerðin er heimsumfatandi, men við serligum denti á havleiðirnar kring Føroyar.
Tað er Bogi Hansen, professari, sum stendur fyri skeiðnum. Undirvíst verður við fyrilestrum, umrøðu av frágreiðingum og við framløgum.
Tilmelding til skeiðið skal sendast til setur@setur.fo áðrenn 29. januar 2010 (legg við váttað avrit av prógvum). Nágreiniligari upplýsingar um skeiðið eru at fáa frá Boga Hansen, bogihan@hav.fo. Fyrivarni verður tikið fyri møguligum broytingum.
phd-skeid-2010.pdf- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...