![](https://setur.cdn.fo/savn/2919/marslending.jpg?width=624&height=350&rmode=crop&s=Cid1781eACwVUfozz7zwfoCNCvw)
Phoenix lent á Mars
Eftir at hava ferðast 680 milliónir kilometrar lendi NASA-rúmdarfarið Phoenix í øllum góðum á Mars kl. 23.53 GMT tann 25. mai.
Hetta skrivar heimasíðan hjá BBC. Lendingarstaðið er í 'arktiska' økinum á Mars, har vatn finst sum permafrost.
Phoenix varð skotin út frá Jørðini tann 4. august 2007. NASA sigur, at lendingin var perfekt.
Umborð á Phoenix er sera framkomin robott-útgerð, ið komandi tríggjar mánaðirnar skal brúkast til at taka ymiskar prøvar við og til at gera kanningar við.
Lív á Mars?
Eitt av endamálunum við Phoenix-verkætlanini er at finna út av, um líkindir fyri lívi kunnu vera á Mars. Kanningar fara at vera gjørdar av, um tíðarskeið hava verið, har bræðing hevur verið í permafrostinum. Orsakað av rørsluni hjá Mars kann hetta møguliga koma fyri í styttri tíðarskeið við 100.000 ára millumbili.
Í permafrost-økjum á Jørðini finnast mikrobur, sum liggja í dvala í frosti, men sum livna upp, tá ísurin bráðnar. Granskarar eru spentir uppá, um líknandi umstøður kunnu vera á Mars.
Keldur um Phoenix
Á internetinum verður dúgliga fylgt við Phoenix-verkætlanini. Her eru dømi um heimasíður:
![](/fileadmin/user_upload/news/Phoenix.jpg)
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...