![](https://setur.cdn.fo/savn/4423/csm_polsamskiftih2016_9ee45d5e72.jpg?width=624&height=350&rmode=crop&s=bqZ4NnvxrpD5UpS4q1mfm0SBTI4)
Politiskt samskifti góða undirtøku
Í farnu viku byrjaði undirvísingin í politiskum samskifti á Føroyamálsdeildini.
Byrjað var við fyrilestrum og venjingum tveir samanhangandi dagar, fríggjadag og leygardag, frá kl. 9 til 15. Kim Lilholt Ruggaard, sum í fleiri ár hevur undirvíst á Århus Universiteti og Århus School of Business, stóð fyri undirvísingini báðar dagarnar. Páll Holm Johannesen, samfelagsfrøðingur og kunningarráðgevi, fer at taka sær av framhaldandi undirvísingini í heyst. Umframt grundleggjandi hugtøk í samskifti fara studentarnir at greina samskiftisfyribrigdi, sum eru frammi júst nú, t.d. hugtakið “framing” og sonevndan postfaktualitet. Endað verður við almennum seminari leygardagin 12. november. Tá fara innbodnir gestir og studentar at hava stuttar framløgur.
Stórur áhugi hevur verið fyri skeiðinum, deildin hevur fingið nógvar fyrispurningar, og í alt góðar 20 umsóknir vóru. Nú skeiðið er byrjað, luttaka 15 studentar.
Skeiðið í politiskum samskifti er liður í royndunum at menna eina MA-útbúgving í samskifti á Fróðskaparsetrinum.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...