![](https://setur.cdn.fo/savn/3186/samal_01.jpg?width=624&height=350&rmode=crop&s=Gq20QH3Hsjb9R2EOP4dokw0syD4)
Praktikantur á Náttúruvísindadeildini
Seinastu tvær vikurnar hava 9. klassa næmingar í Hoyvíkar skúla verið í starvsvenjing. Sámal E. Kristiansson var á Náttúruvísindadeildini.
Sámal hevur stóran áhuga fyri støddfrøði, og var tí serliga ynski hjá honum at síggja, hvussu undirvísingin í hesum fakinum er á universitetinum.
Umframt støddfrøði, so fylgdi Sámal eisini fyrilestrum í almennari havfrøði á NVD og í støddfrøði á Læraraskúlanum. Eisini fekk hann innlit í, hvussu hátøkniligir streymmátarar virka og hvussu teldusimuleringar av havstreymum verða gjørdar.
Tann eina dagin var hann í starvstovuni. Har staðfesti hann, at saltinnihaldið í sjónum í Álakeri bert er umleið 27 í mun til umleið 35 á Landgrunninum. Eisini fekk hann staðfest, at styrkisprosenti í edikkafløskunum, sum tú keypir í handlunum, er tað, sum framleiðarin lovar, umframt, at ymsar mátingar vóru gjørdar við massaspektrometrinum.
Tað seinnu vikuna av starvsvenjingini royndi Sámal seg sum lærara í yngru klassunum í Hoyvíkar skúla. Vónandi vóru tey eins glað fyri hann har, sum vit vóru fyri at hava Sámal á vitjan á Náttúruvísindadeildini.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...