![](https://setur.cdn.fo/savn/4487/hans-georg_beyer.png?width=624&height=350&rmode=crop&bgcolor=fff&format=jpg&s=Orayo_Lz7F1gwFSJaJpGn5YpGrM)
Professari í orkuverkfrøði
Nýsetti Hans Georg Beyer hevur drúgvar fakligar royndir úr fleiri londum
Tann 1. desember 2016 byrjaði Hans-Georg Beyer í starvi sum professari í orkuverkfrøði. Hann kemur higar úr professarastarvi á Universitetinum í Agder í Noregi, har hann hevur starvast síðan 2010 sum professari í varandi orku.
Frammanundan hevur Hans-Georg arbeitt á University of Applied Sciences in Magdeburg í Týsklandi og verið gestagranskari á Mines Paritech, Fraklandi, og verið gestaprofessari á Universidade Federal de Santa Catarina, Brasil. Hann hevur verið við til at útgivið meir enn 300 vísindaligar greinir um varandi orku og orkumeteorologi í monografium, tíðarritum og rástevnuritum.
Hans-Georg hevur drúgvar royndir við undirvísing og vegleiðing á øllum akademiskum stigum.
Meira kann lesast um Hans-Georg Beyer m.a. á heimasíðuni researchgate.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...