![](https://setur.cdn.fo/savn/6871/img_8249-2.jpg?width=624&height=350&rmode=crop&s=2czU4Q2wg8SWh6jTga3X3PFDP7o)
Professari í rómverjarætti á Setrinum
Francesco Milazzo, professari hevur undirvíst løgfrøðislesandi í rómverjarætti hendan seinasta mánaðin á Søgu- og samfelagsdeildini á Setrinum
Italiumaðurin Francesco Milazzo er viðurkendur professari í rómverjarætti við universitetið í Catania í Sisilia.
Francesco er ikki ókendur í okkara parti av heiminum, tí hann undirvísti frá 2003 til 2019 í rómverjarætti við universitetið á Akureyri í Íslandi.
Nú vóru so eisini boð eftir honum at koma á Fróðskaparsetrið at undirvísa í rómverjarætti, og professarin hevur undirvíst her síðani fyrst í september.
Francesco Milazzo undirvísir lesandi í Jónas Broncks gøtu. Honum dámar væl beinleiðis samskifti, og talvan verður nógv brúkt
Talan er um eitt skeið, sum telur 5 ECTS-stig í sokallaða kontekstualiserandi partinum av bachelorútbúgvingini í lóg. Ætlanin við skeiðnum er at seta verandi rættarskipan — serliga ta skandinavisku, har danska og føroyska skipanin má bólkast undir — í breiðari høpi og síggja hana í ljósinum av tí týdningi, sum rómverjarætturin hevur havt sum kelda til grundleggjandi bygnaðin í europeiskum rætti, serliga í sokallaðu sivilu (Civil Law) siðvenjunu, men eisini í norðurlendsku skipanini.
Breiðka útsýnið hjá teimum lesandi
Francesco rósti í grein í íslendska blaðnum Nordicum-Mediterraneum 2006 útbúgvingini á Akureyri fyri at gera nógv við at fáa tey lesandi at skilja skipanarligu, hugtaksligu, dogmatisku og andaligu eindina í heimsins rættarskipanum. Og í hesum sambandi var skeiðið í rómverjarætti týðandi.
Tað sama kann sigast um bachelorútbúgvingina í lóg á Fróðskaparsetrinum.
Nógv verður gjørt við at breiðka útsýnið hjá teimum lesandi, eisini við at læra um grundleggjandi hugtøk og meginreglur úr rómverjarætti, sum hava havt stóran týdning fyri føroyskt-donsku rættarskipanina.
Francesco Milazzo, professari fer av aftur landinum hósdagin 24. september.
Lesið meira um løgfrøði á Setrinum her.
Og um skeiðið í rómverjarætti her.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...