Próvdómaraskeið á Sjúkrarøktarfrøðiskúlanum
Dagarnar 8. og 9. novembur verður próvdómaraskeið hildið fyri uttan- og innanhýsis próvdómarum og kliniskum vegleiðarum innan sjúkrarøktarfrøðiútbúgvingina.
Dagarnar 8. og 9. novembur verður próvdómaraskeið hildið fyri uttan- og innanhýsis próvdómarum og kliniskum vegleiðarum innan sjúkrarøktarfrøðiútbúgvingina.
Endamálið er at styrkja fyritreytirnar hjá próvdómarunum at røkja próvdómarauppgávurnar á høgum førleikastøði.
Í høvuðsheitum skal ein próvdómari:
- Tryggja at próvtøkurnar eru framdar í samsvari við læruúrtøkur og onnur krøv, sum eru ásett í kunngerðum, námskipanini o.ø.
- Ansa eftir at lesandi fáa eina einsháttaða og rættvísa viðgerð, at teirra avrik fær eina álítandi og eftirfarandi meting, sum er í samsvari við reglurnar um próvtalagávu og aðrar reglur innan útbúgvingina
- Vera við í viðgerðini av kærumálum
- Geva ráð um góðskuna í útbúgvingini og um hon er hóskandi í mun til arbeiðsmarknaðin og framhaldandi lestur
Høvuðsinnihaldið á skeiðnum er:
- Hvørjir førleikar krevjast til ein góðan próvdómara
- Leikluturin og uppgávurnar hjá próvdómaranum áðrenn, meðan og eftir próvtøkuna
- Metingin av avrikinum hjá lesandi
- Lógargrundarlagið í sambandi við próvtøkuna
8. novembur er ætlaður próvdómarum í ástøðispartinum. Vegna tað, at høvi er hjá øðrum heilsustarvsfólkum at søkja ískoytisútbúgvingina, er hesin dagurin tvørfakligur.
9. novembur er ætlaður próvdómarum í kliniska partinum. Støðumet verður givið í klinisku útbúgvingini og hetta setur øðrvísi krøv til próvdømingina enn til dømingina í ástøðisparinum. Tí verður hendan dagin serligur dentur lagdur á lærutilgongd og læruúrtøku.
Undirvísari er Birthe Kamp Nielsen. Hon er sjúkrarøktarfrøðingur og kandidatur í sjúkrarøktarvísindi. Hon hevur drúgvar royndir við útbúgving, undirvísing og menning av sjúkrarøktini og harafturat drúgvar royndir sum próvdómari.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...