Ráðstevna um ferðavinnu
Frændafundur 10 við heitinum Rutur og røtur í norðuratlantiskari ferðavinnu verður dagarnar 16.-18. august. Ráðstevnan verður hildin í Sjóvinnuhúsinum á Vestaru Bryggju í Havn.
Høvuðsevnið hesa ferð er ferðavinna, og fýra høvuðsfyrilestrar verða, tveir frá hvørjum landi, umframt verkstovufyrilestrar.
Katrín Anna Lund, professari í sosialantropologi, heldur fyrilesturin Af göldrum og lundum í síkvikum heimi.
Lis Mortensen, náttúrulandafrøðingur; Lyklar til náttúruverju: geoarvur og geo-ferðavinna í Føroyum.
Benedikt Hjartarson, professari í bókmentum; Íslensk framúrstefna og önnur í ljósi samanburðarjaðarsvæðafræða – Nokkrar hugrenningar frá sjónarhóli íhaldssams textafræðings.
Fjórða fyrilesturin heldur Bergur Rønne Moberg, lektari í bókmentum; Føroyar sum komu-mentan í ritverki William Heinesens.
Afturat høvuðsfyrilestrunum og verkstovunum Ferðavinna, (oyggja)mentan og ímyndir um autentisitet og Føroyar og Ísland sædd uttaneftir: Ferðafrásagnir, sjórænarasøgur og innsavningar eru tvær verkstovur um mál; Føroyskt og íslendskt málbrúk í regionalum og globalum høpi og Setningafrøði, leksikalisering og onnur málslig viðurskifti. Leygardagin er eisini ein verkstovan Læraraskúlar í meira enn 100 ár.
Øll skráin kann lesast her.
Fyrilestrarnir eru allir opnir fyri almenninginum.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...