![](https://setur.cdn.fo/savn/3445/logohead_nvl_03.gif?width=624&height=350&rmode=crop&format=jpg&s=87diUnEZR8GyWSk5Q74WvkT4IaI)
Ráðstevna um vegleiðing
Mánadagin 7. mai 2012 skipa Vegleiðaranetverk NVLs og NVL (Norðurlendskt netverk fyri vaksnamannalæring) fyri ráðstevnu um skipan av lestrar- og yrkisvegleiðing.
Ráðstevnan, ið hevur heitið:
"Vegleiðing fyri øll - hvar sum helst, nær sum helst"
verður í Læraraskúlahøllini, Frælsið 20, frá kl. 08.45 til 16.30. Sí viðfestu skrá.
Ráðstevnan verður fyriskipað í samband við, at norðurlendska Vegleiðaranetverkið hevur fund í Føroyum 6.-8. mai. Netverkið, ið er tvørsektorelt, fevnir bæði um granskarar, vegleiðarar, og fólk ið útbúgva vegleiðarar í grannalondum okkara. Serligur dentur verður lagdur á menning av vegleiðing í Føroyum, týdningin av útbúnum vegleiðarum, og vegleiðing í mun til førleikamenning og arbeiðsmarknaðin.
Málbólkur: Útbúgvingarstovnar, vegleiðarar á øllum útbúgvingarstigum, skúla- og stovnsleiðslur, partar á arbeiðsmarknaðinum, ALS, Almannastovan, myndugleikar (Landsstýri, løgtingslimir, Mentamálaráðið, Vinnumálaráðið, Almannamálaráðið, kommunur, ið varða av útbúgvingum, v.m) og onnur áhugaði í vegleiðing.
Ráðstevnan er ókeypis
Tilmelding fer fram við at senda ein t-post til elisabethh(at)setur.fo. Upplýs vinaliga: Navn, stovn / arbeiðsstað, starvsheiti og t-post.
Freistin at boða frá luttøku er hósdagin 3. mai.
Øll áhugaði eru vælkomin!
Vinaliga vegna fyrireikararnar
Hanna Jensen, limur í norðurlendska vegleiðaranetverkinum og
Elisabeth Holm, NVL-kontaktpersónur
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...