![](https://setur.cdn.fo/savn/6504/kristian-eli-andersen-birgir-kruse-eigur-myndina-2.jpg?width=624&height=350&rmode=crop&s=TAS4GjQyonzjFo3w8l9ktHysmPU)
Sálarfrøðilig vegleiðing verður nú aftur
Hósdagin fer sálarfrøðingur aftur at ráðgeva lesandi um, hvussu tamarhald kann fáast á ógagnligar mentalar mekanismur í undantaksstøðuni, sum valdar. Starvsfólk fáa nú eisini sama tilboð
Hósdagin 30. apríl fáa lesandi á Setrinum aftur høvi til at hitta Kristian Eli Andersen, sálarfrøðing, sum hevur góð ráð um, hvussu vit kunnu bøta um okkara støðufesti og mentalu heilsu í tí undantaksstøðuni, sum valdar við COVID-19. Sama dag fáa starvsfólk eisini sama tilboð.
Eins og 2. apríl, tá lestrarvegleiðararnir fyriskipaðu fyrsta sálarfrøðiliga tiltakið, verða báðar vegleiðingarnar talgildar á zoom.
Kristian Eli Andersen, sum er serfrøðingur í metakognitivari terapi, hevur sína fyrru framløgu klokkan 10 hósdagin 30. apríl fyri lesandi og ta seinnu klokkan 11 fyri starvsfólki.
Hvør framløga verður hálvan tíma, og síðani verða spuringar og kjak.
Í framløguni fáa lesandi og starvsfólk vitan um tær ógagnligu mentalu mekanismurnar, sum ofta stinga seg upp í svárum støðum. Harumframt fer Kristian Eli Andersen at greiða frá, hvussu til ber at broyta hesar mentalu mekanismur, soleiðis at gjørligt verður at trívast og fáa tamarhald á avbjóðingum, hóast nógv stendur á.
Endamálið er at geva lesandi og starvsfólki nøkur ítøkilig amboð, so lættari verður at savna seg um lesturin og arbeiðið og avrika á besta hátt.
Lesandi og starvsfólk fáa zoom-leinki til framløgurnar í teldubrævi.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...