![](https://setur.cdn.fo/savn/4744/csm_1_750cc3d37a.jpg?width=624&height=350&rmode=crop&s=D9Xuxmv8r_ixWk_5TQ3rY5QXJcA)
Samstarvsavtala við Universitetið í Modena og Reggio Emilia um gransking og útbúgving
Í farnu viku kom í gildi samstarvsavtala millum Fróðskaparsetur Føroya og Universitetið í Modena og Reggio Emilia.
Í avtaluni eru nevnd 6 øki, sum sáttmálin leggur seg eftir:
• Menning av felags granskingarverkætlanum
• Starvsfólkabýti
• Lestrarferðir og -verkætlanir
• Skiftislesnaður
• Umbýti av vísindaligari dokumentasjón, útgávum og KT-loysnum
• Tilrættalegging av ráðstevnum og vísindaligum fundum
Í avtaluni er staðfest, at neyðugt er at útvega egna fígging fyri at kunna gagnnýta møguleikarnar í sáttmálanum, men at vitjandi starvsfólk skulu hava somu trygd og kunning, sum heimahoyrandi starvsfólkini.
Universitetið í Modena og Reggio Emilia hevur góð 21.000 lesandi, harav tey 2.000 koma úr øðrum londum.
Samstarvsavtalan kom í lag í sambandi við ráðstevnuna “Gransking í Føroyum”, sum Fróðskaparfelag Føroya skipaði fyri í november 2017. Til hesa ráðstevnu komu limir úr italska fróðskaparfelagnum Accademia del Frignano ‘Lo Scoltenna’, sum Fróðskaparfelag Føroya hevur samstarvsavtalu við.
Í sambandi við ráðstevnuluttøkuna varð fyrsta stig tikið at fáa eina beinleiðis samstarvsavtalu millum universitetini í Føroyum og Modena og Reggio Emilia, sum eru økini har nevndu fróðskaparfeløg halda til.
Námsvísindi, heilsuvísindi og veðurlagsgransking eru evni, sum bæði universitetini hava á skránni, og sum tí eru sjálvsøgd at byrja við.
![](/fileadmin/user_upload/NAD/Myndir/2.jpg)
![](/fileadmin/user_upload/NAD/Myndir/3.jpg)
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...