Serfrøðingur innan sosialt arbeiði og fyribyrgjan av rúsevnismisnýtslu vitjar Søgu-og Samfelagsdeildina hesa vikuna

Finn Laursen er ein av teimum fáu, sum hava undirvíst og granskað innan sosial viðurskifti bæði í Danmark, Grønlandi og í Føroyum. Eisini kennur hann allar partar av ríksifelagsskapinum innanífrá

Finn Laursen, sosiologur og serfrøðingur innan sosialt arbeiði, Aalborg Universitet, vitjar í hesum døgum á Søgu- og Samfelagsdeildini, har hann undirvísir Bachelor lesandi innan samfelagsvísindi. Finn hevur drúgvar praktiskar og teoretiskar royndir og er útbúgvin sosialráðgevari og sosiologur.

Í sambandi við samstarvsavtalur millum Aalborg Universitet og Grønlands Universitet, Ilisimatursarfik, var Finn deildarleiðari á Afdeling for Sociale Forhold i Nuuk. Eftir vitjanini í Føroyum hevur hann undirvíst og granskað bæði í Danmark, Grønlandi og í Føroyum. Hann er sostatt ein serfrøðingur í sosialum viðurskiftum innan Ríkisfelagsskapin.
 
Finn granskar sosialt arbeiði, og sosialar trupulleikar, og hann hevur serligan áhuga í at menna hættir, sum kunnu fyribyrgja rúsevnismisnýtlsu millum ung.

Sí meira um Finn Laursen her:  http://personprofil.aau.dk/100338