Sernámsfrøði á breddan
24. nov. verður eitt tiltak um sernámsfrøði við Niels Egelund, professara, og øðrum. Tiltakið verður á Læraraskúlanum og er ætlað lærarum og námsfrøðingum.
Frá skúlaárinum 2011/12 hava lesandi á Føroya læraraskúla millum annað møgleika at velja sernámsfrøði sum linjugrein. Í hesum sambandi skipar Læraraskúlin fyri áhugaverdum tiltaki við fyrilestrum og kjaki í læraraskúlahøllini hósdagin 24. november kl. 13.00 – 16.00
Tiltakið er ætlað sum kunning til lærarar og námsfrøðingar í skúlum og á dagstovnum og sum íblástur, bæði til hesi og til tey, sum skipa fyri útbúgvingunum á Læraraskúlanum.
Á skránni eru hesar framløgur:
Janus Jensen, kst. dekanur á Føroya læraraskúla:
Stutt kunning um útbúgvingarnar á Føroya læraraskúla við serligum atliti at linjugreinunum
Emmy Joensen, stjóri í Sernám:
Støðan á sernámsfrøðiliga økinum í Føroyum – møguleikar og avbjóðingar.
Niels Egelund, stjóri í Center for strategisk uddannelsesforskning, DPU.
Hvat er sernámsfrøði, og hvussu verður sernámsfrøðilig vitan sett í verk í skúlum og á dagstovnum?
Lagt verður eisini upp til kjak og spurningar, og vit vóna, at tiltakið á konstruktivan hátt kann vera til at menna útbúgvingarnar á Føroya læraraskúla.
- 06.09.2024 Setrið FøroyamálsdeildinHavnin sum málslig bráðpannaNýggj grein hjá Hjalmari P. Petersen, málfrøðingi vísir,...
- 06.09.2024 Setrið Søgu- og samfelagsdeildinFerðavinnugransking um Føroyar í ForbesGransking hjá Marinu Leban Jacobsen, adjunkti í marknaðar...
- 02.09.2024 Setrið NámsvísindadeildinNýggjur dekanur á NáttúruvísindadeildiniPeter Freere, ph.d. í sterkstreymsverkfrøði, verður nýggj...