![](https://setur.cdn.fo/savn/7443/helle-ussing-timm.jpg?width=624&height=350&rmode=crop&s=FbQdAQmacpEneNL_l3X8Nav94WU)
Setrið fær oddvita í linnandi røkt
Fróðskaparsetur Føroya hevur útnevnt Helle Ussing Timm sum adjungeraðan professara til Deildina fyri heilsu- og sjúkrarøktarvísindi í trý ár
Helle Ussing Timm verður nú adjungeraður professari í starvsfólkahópinum á Deildini fyri heilsu- og sjúkrarøktarvísindi.
Hetta er eitt týdningarmikið íkast til sjúkrarøktarfrøðina á deildini, sigur May-Britt Skoradal, varadekanur á DHS.
- Helle kann við sínum drúgvu granskingarroyndum á sjúkrarøktarfakliga økinum geva okkum stórt íkast, serliga nú vit fara undir at menna útbúgvingina, sigur hon.
Helle Ussing Timm, professari, hevur í mong ár granskað í heilsu. Tey seinastu 15 árini hevur hon staðið á odda fyri stovnum, har tey hava arbeitt við gransking og vitanarsamstarvi, heilsufremjan, endurmenning og ikki minst linnandi røkt ella palliatión.
Í Danmark hevur hon sett týðandi fingramerki á granskingargrundaða vitan og menning av viðgerð og røkt av illa sjúkum ella doyggjandi.
- Við Helle sum adjungeraðum professara fáa vit ágóðan av hollu royndum hennara, nú menningin av okkara deild gongur við rúkandi ferð, og har vit útbúgva fleiri ph.d.-lesandi og hava stórar ætlanir um at dagføra granskingarøkið, sigur May-Britt Skoradal, varadekanur.
Helle Ussing Timm stóð í 1997 sína ph.d.-ritgerð, sum hevði heitið, "Nær er sjúklingurin í miðdepli? Ein mentanarsosiologisk greining av týdninginum, sum tann sjúki hevur fyri góðskumenning av almenna heilsuverkinum".
Helle Ussing Timm er professari á Syddansk Universitet og var granskingarleiðari á REHPA (Knowledge Center for Rehabilitation and Palliative Care) til 2020.
Lesið meira um hennara gransking og almennu fingramerki her.
Helle Ussing Timm byrjar í starvi sínum 1. apríl.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...