![](https://setur.cdn.fo/savn/4301/csm_2012_ssd_19_caf4d219fe.jpg?width=624&height=350&rmode=crop&s=U57MNiah8A-NCUDc5vs6YTwUKrk)
Sjúkrarøktarfrøðideildin á Fróðskaparsetrinum tekur nú aftur lesandi inn á ískoytisútbúgvingina til bachelor
Eftir langan steðg verður ískoytisúbúgvingina nú boðin aftur, og byrjað verður við intensivum skeiði í vísindaástøði og granskingarháttalagi í juni 2016.
Hetta skeiðið er serliga ætlað teimum, sum ynskja at taka klinisku vegleiðaraútbúgvingina, sum verður boðin út í heyst 2016. Várið 2017 verður síðsta skeiðið í ískoytisútbúgvingini, bachelorritgerðin, boðið út.
Tíðarætlanin sær soleiðis út:
Eind 1, Vísindaástøði og granskingarháttalag: undirvísing í viku 22, 23 og 24. Síðani uppgávuskriving, og uppgávan skal latast inn 04. 07. 2016
Eind 2, valskeið: Klinisk vegleiðaraútbúgving: undirvísing frá viku 36 – 48. Skrivlig uppgáva skal latast inn 12.12.16. Munnlig próvtøka 09. og 10.01.2017.
Eind 3, bachelorritgerð, vika 6 – 22 í 2017. Próvtøkudagur ikki fastlagdur enn.
Stórur áhugi fyri útbúgvingini
Sjúkrarøktarfrøðideildin hevur fingið heilt nógvar áheitanir um at bjóða út ískoytisútbúgvingina aftur, og serliga nógvar áheitanir hava verið um, at valskeiðið verður kliniska vegleiðaraútbúgvingin. Hetta hava vit tikið til eftirtektar.
Treytað av nóg stórari luttøku verður ískoytisútbúgvingin boðin út aftur einaferð afturat í 2017/18. Eisini hesa ferð við intensivum skeiði í vísindaástøði og granskingarháttalagi og kliniskari vegleiðaraútbúgving sum valskeið.
Vit gera vart við at Søgu- og samfelagsdeildin bjóðar út skeið í bioetikki, sum kann góðskrivast sum valskeið í ískoytisútbúgvingini. Sí setur.fo/fileadmin/user_upload/SSD/PDF-filar/Skeidslysingar_2016/V%C3%A1ri%C3%B0_2016/2367.16_Bioetikkur.pdf
Samband: Durita G. Joensen og Anna Sofía Fjallheim
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...