![](https://setur.cdn.fo/savn/4363/sjurdur_j-_ravnsfjall.jpg?width=624&height=350&rmode=crop&s=WdYaqZrQVR7_dxSt-k-zq-Lx6cI)
Sjúrður J. Ravnsfjall settur sum ráðgevi í kunningar- og samskiftistøkni
Frá 1. august 2016 er Sjúrður J. Ravnsfjall settur sum ráðgevi í kunningar- og samskiftistøkni á Fróðskaparsetrinum/Námsvísindadeildini
Sjúrður tók læraraútbúgving á Føroya Læraraskúla í 2009, og hevur síðan tikið prógv sum cand. pæd. í kt-didaktisk design á Danmarks Pædagogiske Universitetsskole í 2012. Seinastu árini hevur hann virkað sum lærari og kt-vegleiðari á stórum framkomnum skúla í Vedbæk.
Hetta hevur givið honum hollar royndir í at undirvísa og vegleiða bæði børnum og vaksnum í kt, at hugsa didaktiskt og nýskapandi umframt at stýra broytingartilgongdum og at samstarva. Útbúgvingin sum cand.pæd í kt-didaktisk design hevur umframt hetta givið honum innlit í granskingarpartin av starvsøkinum.
Samanumtikið skuldi hetta gjørt hann væl skikkaðan til at røkja starvið sum ráðgevi í kunningar- og samskiftistøkni, sum í høvuðsheitum snýr seg um at vera við til at menna hetta økið á Setrinum, bæði sum vanligt arbeiðsamboð hjá starvsfeløgum í sambandi við undirvísing og læring og sum granskingar- og menningarøki.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...