![](https://setur.cdn.fo/savn/4308/office365-3-pngx.png?width=624&height=350&rmode=crop&bgcolor=fff&format=jpg&s=FWrcXdSw47THB7uz70Kc11fv1Bo)
Skeið í Office365-forritum fyri lesandi á Setrinum
Lestrarskrivstovan skipar fyri skeiðum í Office365-forritum fyri lesandi á Setrinum. Skeiðini byrja mikudagin 10. februar 2016.
Nú kanst tú sum lesandi á Setrinum fáa undirvísing í Office365-forritum. Fyrsta skeiðið verður mikudagin 10. februar, tá Word verður á skránni.
Hevur tú nakrantíð sett tær hesar spurningar?: Hvussu var tað, eg gjørdi innihaldsyvirlit í Word? Hvussu seti eg síðutal í síðuhøvdið? Og hvussu seti eg eitt diagramm inn í uppgávuna? Hesar og fleiri aðrir hentleikar kanst tú nú læra á skeiðum í Office365-forritum.
Skeiðini verða hildin mikudagar fram til hálvan apríl, og byrjað verður mikudagin 10. februar, har skeið verður í nýtslu av Word. Seinni verða so skeið í Excel, PowerPoint og OneNote. Fyrrapartin er skeið á byrjanarstigi, og seinnapartin er skeið fyri eitt sindur víðarikomin.
Skeiðsskrá:
Mikudagin 10. februar eru skeið í Word:
Kl. 9.00 er grundskeið á byrjanarstigi - les meira her
Kl. 13.00 er skeið fyri eitt sindur víðarikomin – les meira her
Mikudagin 17. februar er skeið í Excel:
Kl. 9.00 er grundskeið á byrjanarstigi - les meira her
Kl. 13.00 er skeið fyri eitt sindur víðarikomin - les meira her
Mikudagin 24. februar er skeið í PowerPoint:
Kl. 9.00 er grundskeið á byrjanarstigi - les meira her
Kl. 13.00 er skeið fyri eitt sindur víðarikomin - les meira her
Mikudagin 2. mars er skeið í OneNote
Kl. 9.00 er grundskeið á byrjanarstigi
Kl. 13.00 er skeið fyri eitt sindur víðarikomin
Skeiðini eru í skúlastovuni/fundarhølinum á Lestrarskrivstovuni í J.C. Svabos gøtu 7 – beint yvir av Ergo og blómuhandlinum Árstíðunum, og undirvísari er Tummas Jacobsen.
Kostnaður fyri hvørt skeiðið er einans 150 kr.
Til ber at luttaka bæði á skeiðnum fyrrapart og seinnapart – tá er kostnaðurin 300 kr. fyri bæði skeiðini.
GEV GÆTUR!
• Avmarkað pláss er, so tað ræður um at melda seg til sum skjótast - fyrstur kemur, fyrstur fær
• Skriva til Rannvá Dávadóttur, lestrarskrivstovuskrivara – rannvad[at]setur.fo – at melda teg til - í seinasta lagi týsmorgunin kl. 10.00 dagin fyri skeiðið.
• Tilskila, hvat fyri skeið, tú vilt luttaka í, og um tú ynskir at koma til skeiðið fyrrapartin ella seinnapartin – ella um tú vilt luttaka á báðum skeiðum.
• Mælt verður til at melda seg sum skjótast til alt tað, mann ætlar sær at taka skeið í fyri at tryggja sær pláss.
• Minst til at taka reiðan pening við, tá tú møtir á skeiðnum.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...