![](https://setur.cdn.fo/savn/3925/sss_hurdin_02.jpg?width=624&height=350&rmode=crop&s=5VirOX8GIteczkCrlNivENx4zRU)
Skeið innan granskingarháttalag
Landssjúkrahúsið og Fróðskaparsetur Føroya skipa fyri spennandi skeiði við heitinum “Innførsla til granskingarhátt” við viðurkenda granskaranum Bobby Zachariae.
Skeiðið er eitt 3 daga skeið og verður hildið 12.-14. mai 2014 í Stórustovu í Reyðulon á Landssjúkrahúsinum kl. 9.00-16.00.
Krav til luttakarar
Luttakarar skulu hava eina akademiska útbúgving og antin vera í holt við eina granskingarverkætlan, sum er lutfalsliga nýliga byrjað, ella vera komin væl áleiðis í ráðlegging av granskingarverkætlan.
ECTS
Skeiðið veitir 3 ECTS stig, og er góðkent ph.d.-skeið.
Kostnaður
Kostnaður er kr. 4850,-
Fyrsta dagin verður byrjað við morgunmati. Hinar dagarnar verður kaffi og frukt at fáa.
Møguleiki er fyri at keypa døgurða/salat í matarhøllini á Landssjúkrahúsinum.
Skeiðshaldari
Bobby Zachariae er professari, dr.med. og sálarfrøðingur.
Hann er leiðari fyri Enhed for Psykoonkologi og Sundhedspsykologi á Onkologisk Afd., Aarhus Universitetshospital, og Psykologisk Institut á Aarhus Universitet.
Hann hevur áður hildið sera vælumtókta skeiðið í Academic Writing á Landssjúkrahúsinum.
Talan er um eitt generelt introduktiónsskeið, har luttakararnir fáa møguleika at arbeiða við eini granskingar- ella ph.d.-verkætlan, sum tey antin eru í holt við, ella hava ætlanir um.
Skrá og umsóknarblað fáast eftir 1. apríl við at venda sær til skrivaran hjá Granskingarnevndini á Landssjúkrahúsinum: lshelmi(at)ls.fo
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...