Skeið um spjadda leiðslu við heimskendum professara í námsfrøðiligari leiðslu
Skeiðið við James Spillane, professara, verður 1. september 2020 í Kongshøll á Fróðskaparsetrinum
Hetta er gjørligt, tí Námsvísindadeildin hevur fingið styrk frá Fulbright, ið fíggjar eina vitjan hjá amerikanskum granskara til Føroya í tvær vikur komandi ár.
Valið fall á James Spillane, ið er professari á Northwestern University í Chicago.
James Spillane er mest kendur fyri sítt ástøði, um at leiðsla er nakað, sum hendir í verki, og at hon er spjadd út í organisatiónini.
Ástøðið er gjørt við skúlanum í huga, men kann uttan stórvegis broytingar eisini nýtast á dagstovna- og serstovnaøkinum. Onnur starvsøki kunnu eisini nýta ástøðið við onkrum tillagingum.
James Spillane fer at halda flestu fyrilestrarnar, men eisini fer Jóhannes Miðskarð, ph.d. og adjunktur á Námsvísindadeildini, at halda fyrilestur um spjadda leiðslu í Føroyum.
Av tí, at Fulbright fíggjar arbeiðsløn og ferð hjá James Spillane, so verður skeiðsgjaldið lágt.
Skeiðið vendir sær bæði til fólk í leiðslu og til vanlig starvsfólk, tí hesi, sambært Spillane, í verki eisini eru við í spjaddu leiðsluni.
Meira kunning um skeiðið kemur seinni.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...