Skrivari settur á lestrarskrivstovuni
Rannvá Dávadóttir er sett í starv sum skrivari á lestrarskrivstovuni. Rannvá byrjar í starvinum 1. januar 2016.
Lestrarskrivstovan hevur sum uppgávu at savna virksemið, sum hevur við studentar og lestur at gera, og at vera bindilið millum fakliga og fyrisitingarliga partin av útbúgvingunum.
Skrivarin á lestrarskrivstovuni hevur ein týdningarmiklan leiklut í hesum miðsavnandi arbeiði og skal umframt at passa móttøkuna, svara og beina fyrispurningar víðari og samskifta á føroyskum og enskum m.a. á heimasíðuni hjá Setrinum, taka sær av upptøku, innskriving o.ø. fyrisitingarligum uppgávum viðkomandi fyri lesandi í tøttum samstarvi við útbúgvingarfakfólk, vegleiðarar og deildarskrivstovur.
Rannvá er cand.linc.merc í enskum og samskifti frá Copenhagen Business School (ein víðarimenning av gomlu korrespondenutbúgvingini) og hevur harumframt starvsroyndir innan fyrisiting, kunningartøkni og samskifti á fleiri málum, m.a. sum skrivari í Trygd og Sendistovu Føroya í London. Rannvá kemur úr einum starvi sum dagligur leiðari hjá Mariu Poulsen Búnýti.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...