![](https://setur.cdn.fo/savn/3350/ssd_j-_broncks_20.jpg?width=624&height=350&rmode=crop&s=yO2ZY91UCr4mrM3ePIPkriEqbB8)
Søgu- og samfelagsdeildin verður 25 ár í 2012
Hesa hending vilja vit markera við eini ráðstevnu, ið lýtir framyvir. Hon setir tí fokus á nakrar av teimum serligu avbjóðingum Útnorðurøkini standa yvir fyri her í byrjanini av 21. øld. Hon hevur tí heitið: "Útnorður í 21. Øld: samfelag, útbúgving og gransking".
Til at kjakast um hesi evnisøki, hava vit fingið leiðandi fakfólk úr øllum norðanlondum at luttaka. Talan er um fólk innan samfelagsfrøði og søgu, við serkunnleika innan eitt nú kreativar vinnur, útbúgvingargransking, stjórnmálafrøði, mobilitetsgransking, nationalismu, smásamfeløg v.m.
Endamálið við ráðstevnuni er at fáa fram nýggjastu vitanina um útnorðursamfeløgini. Samstundis er ætlanin at fáa lagt lunnar undir varandi granskingar- og útbúgvingarsamstarvi millum Føroyar og nærmastu grannarnar, eitt nú við at kjakast um møguleikarnar fyri norðurlendskum Ph.D.-skúla, felags masterútbúgvingar og aðrar granskingar- og útbúgvingarmøguleikar.
Partur av ráðstevnuni verður almennur, har Norðurlandahúsið verður karmur um fyrilestrar og kjak um samfelagsviðurskifti, gransking og útbúgving í Útnorði. Hesin parturin verður 24. apríl.
Nærri upplýsingar um ráðstevnuna kunnu fáast við at venda sær til Hans Andrias Sølvará (hansas(at)setur.fo), lektara ella til Gestur Hovgaard, lektara (gesturh(at)setur.fo).
Programm fyri ráðstevnuna verður tøkt í januar mánaða.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...