![](https://setur.cdn.fo/savn/3495/csm_namsfr2012_ca1cfa727f.jpg?width=624&height=350&rmode=crop&s=L0xXjUbFF9SgtAKY5GATt3s8Mp4)
Søguligur dagur á Setrinum
Fyrstu námsfrøðingarnir og lærarnir hava fingið bachelor og yrkisprógv eftir nýggju útbúgvingarskipanini
Fríggjadagin 15. juni handaði Sigurð í Jákupsstovu, rektari á Fróðskaparsetri Føroya, teimum nýútbúnu lærarunum og námsfrøðingunum prógv. Hesi eru tey fyrstu, sum sum eru útbúgvin eftir nýggju skipanini fyri lærara- og námsfrøðingaútbúgvingarnar á Setrinum. 59 lesandi fingu prógv, 30 lærarar og 29 námsfrøðingar
Tá ið tey byrjaðu lesnaðin á Frælsinum fyri fýra árum síðani, um hálvan august í 2008, vóru tey 94 í tali, 48 læraralesandi og 46 námsfrøðingalesandi. Av teimum 94, sum byrjaði í 2008, eru 12 givin við lestrinum, meðan 23 eru seinkað vegna farloyvi og annað, hesi eru í skipanini og verða væntandi liðug seinni.
Áhugin fyri lærara- og námsfrøðingaútbúgvingunum hevur verið støðugur hesi fýra árini, síðan nýggja skipanin varð sett í verk. Talið av umsøkjarum til hesar útbúgvingarnar hevur á hvørjum ári ligið millum 150 og 160, og av hesum eru millum 50 og 55 % upptikin, t.e. uml. helvtin á hvørjum ári. Samlaða talið av lesandi á Læraraskúlanum er í løtuni uml. 300.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...