![](https://setur.cdn.fo/savn/4565/csm_setrid2017_027_2f38fb44dd.jpg?width=624&height=350&rmode=crop&s=00KH-73Sep1BOqCf8iwxBrbKT4I)
Søk lestrarpláss á sjúkrarøktarfrøði innan 1. desember
Tørvurin á sjúkrarøktarfrøðingum er stórur í Føroyum, og nú er høvi aftur at søkja um lestrarpláss til at lesa sjúkrarøktarfrøði á Fróðskaparsetri Føroya
Vilt tú taka eina útbúgving, sum er áhugaverd, spennandi og mennandi, og fáa eitt starv eftir loknan lestur, sum eisini er tað, so er at søkja inn á Setrið nú.
Útbúgvingin í sjúkrarøktarfrøði hevur nú gjørt klárt til sína vetrarupptøku av nýggjum lesandi, og evstamark at søkja er á midnátt 1. desember.
Lestrartíðin er fýra ár við starvsvenjing, og eftir lokna útbúgving hevur tú førleika til at virka sjálvstøðugt sum sjúkrarøktarfrøðingur og vera við í fakligum og tvørfakligum samstarvi. Eisini gevur hendan bachelorútbúgvingin óføran møguleika fyri víðari lestri.
Útbúgvingin fevnir um ástøðiliga undirvísing á Setrinum í samanlagt í 2 ½ ár, og kliniska undirvísing samanlagt í 1 ½ ár. Hetta seinna er starvsvenjingarparturin, sum fer fram á ymsum deildum á sjúkrahúsum, ellis- og røktarheimum, viðgerðar- og fyribyrgingarstovnum, í heimatænastuni og á øðrum stovnum undir almannaverkinum kring landið og í venjingarstovu á Setrinum.
Við hesi útbúgvingini verður tú væl brynjað/ur til arbeiðsmarknaðin.
Hygg eftir stutta filminum her um útbúgvingina.
Les meira um útbúgvingina, umsóknarblað o.a. her.
Umsóknarfreist er á midnátt 1. desember.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...