![](https://setur.cdn.fo/savn/4366/20160413_logo-talgiltklipt.jpg?width=624&height=350&rmode=crop&s=cx4KdNIBppdBCB2Y_Fv5vRERtCI)
Søvnini á kunningarferð um talgilding
Hesa vikuna eru umboð fyri tey almennu søvnini á ferð úti um landið og kunna um arbeiðið við talgilding á stovnunum. Savnið á Føroyamálsdeildini á Setrinum er við á hesi kunningarferð.
Sunnudagin var túrur gjørdur til Suðuroyar. Byrjað var á Seglloftinum á Tvøroyri við at Hendrik Old, landsstýrismaður, segði nøkur orð. Síðani vóru framløgur frá stovnunum. Setrið kunnaði um, hvussu arbeiðið at talgilda orðaseðlar til orðabókaarbeiðið eisini fer at verða lagt út á ein almennan portal til øll áhugað at hyggja at, leik sum lærd.
Framløgurnar vóru endurtiknar umborð á Smyrli á veg norð aftur. Nógv fólk var við hendan túrin og fitt av fólki leitaði sær upp í Beinisvørð at lurta.
Mikudagin 1. juni verður aftur kunning. Tá eru søvnini í Bakarínum hjá Jórun í Klaksvík frá kl. 10 – 13.
Fríggjamorgunin 3. juni frá kl. 7:30 til 10:30 eru søvnini á Flogvøllinum og kunna.
Kunningarferðin endar í Havn. Framløgur verða á torginum í SMS frá kl. 15 til 17:30.
Luttakandi søvnini eru: Skjalasavnið, Landsbókasavnið, SavnsGull, Seturssavnið og Fornminnissavnið.
![](/fileadmin/user_upload/news/ordasedlarboksinfmd_01.jpg)
![](/fileadmin/user_upload/news/20160413_logo-talgilt.jpg)
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...