![](https://setur.cdn.fo/savn/2898/speki.gif?width=624&height=350&rmode=crop&format=jpg&s=gRSF_Bevk_pRZLJGJaCyZSB_VBQ)
Speki fyrilestrar á vinnuháskúlanum
Speki fyrilestrar verða tikinir upp hesa vikuna frá týsdegnum 11/3 til hósdagin tann 13/3. Fyrilestrarnir eru almennir og øll eru vælkomin at lurta.
Speki fyrilestrar á Vinnuháskúlanum í viku 11 (11-14 mars)
Almennir fyrilestrar sum Fróðskaparsetur Føroya skipar fyri saman við sjónvarpinum í Kringvarpi Føroya. Í hesum umfarininum eru 11 fyrilestrar. Tað hevur víst seg at fyrilestrarnir eru væl dámdir, umleið 7000 fólk hyggja eftir fyrilestrinum vísa kanningar frá Gallup. Evnini eru sera fjølltáttaði, og vert er at bíta merki í, at fólk sum starvast í Danmark kom heim til føroyar at halda fyrilestur. Talan er um Fróða Debes, sum fer at halda fyrilestur um sálarfrøðiligu barnakanningarnar, sum eru gjørdar í nógv ár. Fyrilesturin hjá Firouz Gaini er sera tíðarbærur, fyrilesturin er eitt íkast til kjakið um føroyska skúlan og PISA-kanningarnar.
NavnHeitiTíðSimon Passey
Jarðfrøði:
Morphologies and Emplacement Mechanisms of the Lava Flows of the Faroe Islands Basalt Group
Týsdag tann 11/3-kl.9Thomas Varming
Føroysk jarðfrøði: Í fyrilestrinum verður greitt frá Úrslitinum frá boringunum í Judd Basinet “Gullhornið”
Týsdag tann 11/3-kl.11Turid Madsen
Feltarbeiði í Vágatunnlinum: Kanningar áðrenn boringina. Í fyrilestrinum verður greitt frá skjóting av seismikki og sambandið millum seismikk og veruleikan. Er samband millum lághastigheit og rivur? Hypotesan: At tað er samband millum gosrivur og sund/firðir, er kannað.
Týsdag tann 11/3-kl.13Lis Mortensen
Sunami: Ein fyrilestur um vandan fyri at Føroyar kunnu verða raktar av eini Sunami flóðaldu
Týsdag tann 11/3-kl.15Jan Arge Jacobsen
Norðhavssild: Hesin fyrilestur er um ferðamynstrið hjá norðhavssild í Norðuratlantshavi, frá “sildatíðini” í 50- og 60-unum, tá hon hvarv úr okkara øki, til tíðina fyrst í 90-unum, tá hon aftur kom í føroyskan sjógv, og tær spennandi broytingarnar í ferðamynstrinum seinastu árini. Serliga verða stovnsstødd, ferðing, gýtingarøkir og vetrarøkir viðgjørd, umframt fiskiskapurin hesi árini.
Mikudag tann 12/3-kl.11Dorete Bloch
Skaðadjór: Hesin fyrilestur viðger nøkur av teimum vanligastu skaðadjórunum í Føroyum so sum fýrur, klukkur, flatmaðkur osfr. Hvønn skaða gera tey, og hvørjar umstøður hava tey í Føroyum?
Mikudag tann 12/3-kl.13Fróði Debes
Sálarfrøði barnakanning: Hvat siga barnakanningarnar? Ein fyrilestur um metodiskir spurningar. Um intelligens: Hvat er arvaligt, og hvørja ávirkan hevur umhvørvið?
Mikudag tann 12/3-kl.15Lis Mortensen og Gunnar Bjarnason
Erosión í haganum: Í fyrilestrinum verður víst á, hvussu ein bóndi ella hagavallari kann síggja ábendingar um, at hagin verður ov hart bitin av seyði?
Hósdag tann 13/3-kl.11Maria Dam
Umhvørviseitur: Ein fyrilestur um umhvørviseitur í Føroyskum mati við fokus á grind og sjófugl
Hósdag tann 13/3-kl.13Firouz Gaini
Skúli og læring: Antropologisk sjónarmið Fyrilesturin hyggur fram í tíð og lýsir viðurskifti, ið fara at seta sín dám á skúla, útbúgving og læring í Føroyum komandi árini. Serliga verður hugt at vitan, førleika og sosialum kapitali. Fyrilesturin er eitt íkast til kjakið um føroyska skúlan og PISA-kanningarnar. Høvuðsspurningurin er her: Ynskja vit at fáa eitt ”vitanarsamfelag”?
Hósdag tann 13/3-kl.15
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...