Stakskeið í lóg á Fróðskaparsetri Føroya
Í summar verður serskeið á masterstigi í lóg á Søgu- og samfelagsdeildini á Fróðskaparsetri Føroya.
Talan er um fakið "At skriva serritgerð í lóg", ið er nýtt fak.
Fakið skal fyrireika lesandi at skriva serritgerð (speciali) í løgfrøðifakum. Tey lesandi skulu trygt kunna fara undir at skriva serritgerð vitandi um viðkomandi formlig og tøknilig krøv. Tey lesandi skulu gerast varug við fakligi málini í ritgerðum, tá ið ræður um at seta upp spurdóm, lýsa háttalag, skipa, tilvísa í teksti og notum, keldulista, grundgeva retoriskt, logiskt og pragmatiskt, og koma til haldgóðar niðurstøður, umframt nøktandi at vitja øll viðkomandi sløg av heimildum og á hóskandi hátt velja, avmarka og lýsa tær.
Fyri uttansetursfólk (tey, ið ikki lesa á Fróðskaparsetrinum ella á øðrum lærustovni, sum metast má at kunna góðskriva fakið) verður skeiðsgjald kr 2.500,- kravt, íroknað skeiðstilfar og próvtøkugjald.
Lærarar eru Kári á Rógvi og Bárður Larsen.
Avmarkað pláss
Umsóknarfreistin er sett til 22. juni
Sí skeiðlýsing
Umsóknarblað fæst her
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...