![](https://setur.cdn.fo/savn/4371/setur-vodafobe.jpg?width=624&height=350&rmode=crop&s=g9E_B2X3XUO_aoJOekOmAMEURnM)
Starvsvenjing hjá Huawei í Kina
Kundi tú hugsað tær at verið við til at mynda framtíðina innan fjarskiftistøkni í Føroyum? Kinverski tøknirisin Huawei bjóðar í samstarvi við Vodafone einum studenti innan KT-verkfrøði í 2014-2017-flokkinum á Fróðskaparsetri Føroya tvær vikur í starvsvenjing í Kina í summar
Ein studentur frá Fróðskaparsetrinum fær møguleikan at ferðast til Kina saman við øðrum studentum ymsastaðni úr Evropa í starvsvenjing hjá Huawei frá 9. til 23. august. Innbjóðararnir rinda fyri ferðing og uppihald.
Í Kina fær útvaldi bólkurin undirvísing frá serfrøðingum og praktiska venjing í mest framkomnu starvsstovunum hjá Huawei – alt fyri at víðka um teirra sjónarring og fyrireika tey til at leiða tøknimenningina víðari.
Vitjað verður fyrst í Hangzhou, síðan í Beijing og til at enda á høvuðssætinum hjá Huawei í Shenzhen.
Skráin hesar dagarnar fevnir m.a. um:
- Undirvísing í kinverskari mentan og máli
- Undirvísing frá Huawei í samskiftistøkni
- Upplæring á høvuðssætinum hjá Huawei í Shenzhen
Útferð til Stóra Múrin, Hangzhou R&D Center og onnur serstøk støð.
Ert tú í 2014-2017-flokkinum, og kundi tú hugsað tær at sloppið hendan fakliga túrin til Kina? So skalt tú senda eina umsókn til hannesg@setur.fo, har tú greiðir frá tínum áhuga í hesi verkætlan, og hví tú skuldi verið útvaldur til at umboða Føroyar á túrinum.
Les meira her
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...