Støddfrøðigrein í altjóða tíðarriti
Lektari á Náttúruvísindadeildini er ein av høvundunum at vísindagrein í høgt viðurkenda støddfrøði tíðarritinum 'Advances in Mathematics'
Greinin Classification of extensions of classifiable C*-algebras varð almannakunngjørd í seinasta útgávuni av tíðarritinum Advances in Mathematics. Gunnar Restorff, lektari í støddfrøði á Náttúruvísindadeildini, er ein av trimum høvundum at greinini. Hinir høvundarnir eru frá Universitetinum í Keypmannahavn og Universitetinum á Hawaii.
Hetta tíðarritið almannakunngerð bert greinir innan reina støddfrøði, sum umboða eitt týðandi frambrot innan sítt øki, og eru greinar í hesum tíðarritinum høgt í metum innan støddfrøðivísindini.
At støddfrøðin er sterk hevur eisini sera stóran týdning fyri onnur økir innan náttúruvísindini, og hevur avgerandi týdning fyri menning av fakøkinum bæði innan granskingarumhvørvið og undirvísingarverkið í Føroyum. Støddfrøði var eitt av fakøkjunum, sum vórðu uppraðfest á Náttúruvísindadeildini í 2008, og tað er at fegnast um, at hetta longu nú sæst aftur í altjóða vísindaheiminum.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...