![](https://setur.cdn.fo/savn/4771/csm_img_3089_6ea9686253.jpg?width=624&height=350&rmode=crop&s=32M_HFhOIhfE2c2Ksu_at7sy3-U)
Stóra ráðstevnan PPTOX VI sett í nýggju Kongshøll
Seinasta sunnudagin læt ráðstevnan PPTOX VI upp í nýggju Kongshøll á Fróðskaparsetri Føroya á Vestaru Bryggju.
Tað var Tórshavnar kommuna, sum var vertur sunnudagin. Sjálv ráðstevnan verður í hesum døgum hildin í Norðurlandahúsinum.
Ráðstevnuheitið PPTOX VI stendur fyri Prenatal Programming and Developmental Toxicity. Hetta vísir til ráðstevnuevnið um, hvussu tað ófødda barnið verður ávirkað av umhvørvinum í móðurlívi, og hvussu eiturevni ávirka búningina hjá mannabørnum.
Ráðstevnan varð fyrstu ferð hildin her í Føroyum í 2007, og tá komu granskarar ásamt um eina niðurstøðu, sum seinni er almannakunngjørd í vísindatíðariti undir heitinum: The Faroes Statement: Human Health Effects of Developmental Exposure to Chemicals in Our Environment. Í stuttum var hendan niðurstøðan, at betur er at vera fyrivarin enn eftirsnarin, eisini tá um kemisk útlát í náttúruna ræður. Fyri hópin av manngjørdum evnum vita vit ikki langtíðaravleiðingarnar fyri heilsuna hjá menniskjum og djórum. Hendan stevnan hevur síðani verið hildin annað hvørt ár í ymsum londum: USA, Frankaríki og Japan.
Deildin fyri Arbeiðs- og Almannaheilsu skipar fyri ráðstevnuni saman við Syddansk Universitet og Harvard School of Public Health. Philippe Grandjean, professari á SDU og Harvard, saman við Pál Weihe, professara í Fólkaheilsu, eru høvuðsfyriskiparar. Umleið 200 granskarar úr øllum heiminum koma til ráðstevnuna, serliga nógvir úr USA.
![](/fileadmin/_processed_/9/d/csm_IMG_3082_a391f7a35d.jpg)
![](/fileadmin/_processed_/d/3/csm_IMG_3131_bd087b7efc.jpg)
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...