![](https://setur.cdn.fo/savn/5574/smíðvitjan2.jpg?width=624&height=350&rxy=0.5757575757575758,0.57638888888888884&rmode=crop&t=77104&s=e00G8QtfNtUy3S5LnDfG28nVuwM)
Svensk smíðvitjan
Seinastu tvær vikurnar hevur smíðlinjan á læraraútbúgvingini á Námsvísindadeildini havt vitjan av gestalæraranum Joakim Andersson, ph.d.-lesandi í smíð á Gøteborgs Universiteti.
Á skeiðnum vóru fýra ymisk verkstøð: at sveipa, metal-arbeiði, at dreya umframt ein glasverkstaður.
Á sveipverkstaðnum vórðu trælutir formaðir úr finer og síðani tilevnaðir til smáar eskjur við botni og loki. Eskjurnar vóru prýddar við seymi av bjarkarrót. Arbeiðshátturin at sveipa varð fyrr í tíðini nýttur í norðurlondum til brúkslutir so sum mateskjur.
Í metalverkstaðinum smíðaðu og loddaðu tey læraralesandi lutir úr kopari og silvuri, sum vóru upphitaðir við eldi og formaðir við hamarssløgum.
Á dreyiverkstaðnum vórðu skálir dreyaðar í furu, bjørk o.ø. tilfari, og á glasverkstaðnum vóðu glaslutir tilevnaðir í alskyns litum.
Samanumtikið var talan um eitt sera læruríkt skeið, og Joakim endaði skeiðið við einum áhugaverdum fyrilestri um ”Lærande i ock genom sløjd”. Harumframt skipaðu tey lesandi í síðstu viku fyri eini stásiligari framsýning í kantinuni á Námsvísindadeildini, har tey sýndu fram teir ymisku lutirnar, sum vórðu tilevnaðir undir skeiðnum.
Møguleiki er fyri at síggja framsýningina í kantinuni til og við fríggjadegnum 21. februar.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...