![](https://setur.cdn.fo/savn/4326/csm_fmd_front_vinstra_01_9352bc69d9.jpg?width=624&height=350&rmode=crop&s=DF9rupksU1_4o_Z5nPUo_wDA-WQ)
Talemål etter 1800
Komin er nýggj bók um talumálsbroytingar í Norðurlondum tey seinastu 200 árini.
Komin er nýggj bók um talumálsbroytingar í Norðurlondum tey seinastu 200 árini, Talemål etter 1800. Norsk i jamføring med andre nordiske språk. Ritstjóri er Helge Sandøy, professari í Bergen.
Bókin viðger í fyrstu syftu norsk viðurskiftir, men til samanberingar hevur hon kapitlar um viðurskiftini í hinum Norðurlondunum.
Bókin hevur fyrst ein almennan part um broytingar í samfelagsmynstri og búseting, og hvørja ávirkan tær hava á málið. Síðan er ein partur um málið í ymiskum norskum landslutum og ein um málið í býum og ídnaðarøkjum í Norra. At enda er so ein partur við kapitlum um málbroytingar í finnlandssvenskum, svenskum, donskum, føroyskum og íslendskum.
Partin um føroyskt hevur Eivind Weyhe, lektari emeritus, skrivað. Evnini ið verða viðgjørd, eru fólkasamanseting og tvímæli, broytingar í búsetingarmynstri, broytingar í ljóð-, bendinga- og setningaskipan og orðfeingi, og málið í tí almenna rúminum mótvegis talumálinum.
Talemål etter 1800. Norsk i jamføring med andre nordiske språk.
Ritstjóri: Helge Sandøy. Novus forlag. 464 bls.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...