![](https://setur.cdn.fo/savn/5179/talgilda-ti-n-by.jpg?width=624&height=350&rmode=crop&t=1642049&s=Kw5-Oek6m0fZnRZyKlRoFUBuBLY)
Talgilda tín bý
Komandi fríggja- og leygardag (21.-22. september) verður skipað fyri tiltaki í Kongshøll í Sjóvinnuhúsinum undir heitinum ”Talgilda tín bý”. Tað eru KT-deildin og Hugskotið í Tórshavnar Kommunu, sum skipa fyri í samstarvi við Fróðskaparsetur Føroya.
Endamálið við tiltakinum er at virka fyri, at Tórshavnar kommuna gerst meiri nýskapandi við fleiri snildloysnum til tænastur, sum kommunan veitir, t.d. innan vælferð, útbúgving, mentan, frítíð, ferðslu og býarskipan.
Tiltakið er fyri allar borgarar og er skipað sum ein hugskotsverkstova og eitt hackathon fyri luttakarar í øllum aldri við fjølbroyttari bakgrund. Í øðrum londum eru slík tiltøk kend sum "Smart City Hack".
Tað er ikki neyðugt at hava eitt hugskot fyri at luttaka. Øll, sum hava hug, kunnu vera við og kunnu arbeiða saman við øðrum, sum antin hava nýggj, óroynd hugskot ella hugskot, sum eru komin nakað áleiðis.
Tiltakið endar við, at luttakararnir leggja sína loysnir fram fyri eina dómsnevnd, sum velur bestu loysnina, og vinnandi toymið fær 50.000,- kr. í virðisløn.
Tilmelding fer fram her
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...