![](https://setur.cdn.fo/savn/4478/ipad-i-skolen_2.jpg?width=624&height=350&rmode=crop&s=Uc73NVd16nWDAP9HxskS_JnYpWY)
Teldlar verða ov lítið brúktir í undirvísingini
Hetta er ein av niðurstøðunum í kanningini, sum Erla Olsen og Vár í Ólavsstovu leggja fram hósdagin
Nú kemur frágreiðingin um kanningar av nýtslu av talgildum miðlum í skúlanum. Tað eru Erla Olsen og Vár í Ólavsstovu, adjunktar á Námsvísindadeildini, sum hava gjørt eina víðfevnda spurnakanning av teldlanýtslu í trimum skúlum.
Kanningin hevur hugt eftir teimum amboðum, sum skúlin gevur næmingunum, og teimum, sum næmingarnir sjálvir eiga. Eisini verður hugt at hugburði til KT-nýtslu og úrtøku av at nýta hesa tøkni.
Erla Olsen og Vár í Ólavsstovu vísa á, at teldilin er komin fyri at verða og at børnini ynskja, at hann verður brúktur í undirvísingini.
- Men veruleikin er, at teir møguleikarnir, ið eru í teldlinum sum undirvísingaramboð, verða ov lítið gagnnýttir, siga tær báðar.
Frágreiðingin hevur tilmæli til skúlaleiðslur, hvussu farast skal fram, um tey velja at fara at nýta teldlar í undirvísingini.
Kanningin, sum frágreiðingin er grundað á, er gjørd í samstarvi millum Tórshavnar kommunu og Fróðskaparsetur Føroya.
Viðgerð av svarunum eru komin út í prentaðari frágreiðing, og í tí sambandi verður framløga av bókini á Námsvísindadeildini á Frælsinum 20, hósdagin 15. desember kl. 15.
Frágreiðingin fer eisini at fáast teldutøk (pdf format).
![](/fileadmin/user_upload/news/Erla_Olsen_01.jpg)
![](/fileadmin/user_upload/news/Var_Olavstovu_01.jpg)
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...