![](https://setur.cdn.fo/savn/5364/málningur.jpeg?width=624&height=350&rmode=crop&s=hCFztZYMoli6L1z9pjQI_XKKsCw)
Tey ganga á vegnum og bíða sum nýggjur aftur
Eitt av høvuðsverkunum hjá Ingálvi av Reyni, Tey ganga á vegnum og bíða, hongur í Gróthúsinum.
Hann er nú umvældur og reinsaður, so litir og skap standa púra klár aftur. Málningurin er frá 1988, og Setrið fekk hann á 25 ára føðingardegnum í 1990 frá Fróðskaparfelagnum og Listafelagnum.
Málningurin hekk á Listasavninum til 2000, tá Fróðskaparsetrið fekk ovaru hæddina í Gróthúsinum á Debesartrøð at hava rektaraskrivstovuna og fyrisitingina í. Har var ein veggur, sum hóskaði til málningin, men tá hann skuldi berast inn, var ringt at fáa hann upp á pláss. Fyrst mátti ein hurð takast niður fyri at fáa myndina upp í trappuna, men komin nøkur fáa stig upp tók í, og so mátti múrari upp í leikin at bróta eitt petti úr loftinum og gera tað aftur, tá málningurin var uppkomin.
Tað hevur ivaleyst verið gott fyri hann at hanga so innibyrgdur og ómøguligur at læna út til framsýningar, tí hann var heldur illa farin og tí viðbrekin. Nú hevur Søren Bernsted, leiðarin á Fælleskonserveringen í Helsingør, umvælt hann, so hann er tryggjaður í langa tíð og sum nýggjur at síggja.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...