![](https://setur.cdn.fo/savn/2949/csm_im002546_de04bbef69.jpg?width=624&height=350&rmode=crop&s=s0CFV5rkD2EI31v6mqPIz3FlsCE)
TÍÐINDASKRIV
Turið Sigurðardóttir professari í bókmentum á Fróðskaparsetrinum
Turið Sigurðardóttir, ið hevur verið lektari í bókmentum á Føroyamálsdeildini í mong ár, er frá 1. september 2008 flutt fram til at vera professari í bókmentum.
Turið Sigurðardóttir varð BA í íslendskum máli og bókmentum og almennari bókmentasøgu við Háskóla Íslands í 1976 og mag. art. í bókmentafrøði við Københavns Universitet í 1988.
Hon kom í fast starv sum adjunktur á Fróðskaparsetrinum í 1988 og varð flutt fram til lektara í 1990.
Turið Sigurðardóttir hevur undirvíst á øllum stigum á Setrinum, og hevur lagt eitt stórt bókmentaligt granskingararbeiði úr hondum.
Hon hevur verið deildarleiðari á Føroyamálsdeildini í tveimum umførum og havt nógvar fakligar uppgávur í norðurlendskum høpi.
Tey, sum hava sitið í metingarnevndini at meta um førleikan hjá Turið Sigurðardóttur, eru Ástráður Eysteinsson, professari, Háskóli Íslands, Dagný Kristjánsdóttir, professari, Háskóli Íslands og Idar Stegane, professari, Universitetet i Bergen.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...