Tilmeldingarfreist: Ph.d.-skeið í granskingaretikki

1. juni er tilmedingarfreist at tekna seg til ph.d.-skeiðið í granskingaretikki, sum verður hildið 14. september

Thomas Søbirk Petersen og Jesper Ryberg, sum báðir eru professarar í etikki og knýttir at Roskilde Universiteti, koma til Føroya at hava skeið í granskingaretikki í heyst.

Skeiðið varir í ein dag og gevur 1 ECTS-stig.

Fyri at taka lut á skeiðnum skal ein hava lokið masternám og annaðhvørt vera í holt við eina ph.d.-verkætlan ella hava ætlanir um hetta.

Skeiðið gevur innlit í grundleggjandi granskingaretisk viðurskifti, sum allir granskarar eiga at kenna.

Tilmeldingarfreist er 1. juni 2023.

Umsóknarblað er her.

Ábyrgdarfólk: Sigri M. Gaïni.