![](https://setur.cdn.fo/savn/7715/tónleikaástøði.jpg?width=624&height=350&rmode=crop&s=9B4YBH0w3ze5PS0jRKdollz8U80)
Tónleikaástøði fyri lærarar og námsfrøðingar
Spennandi tilboð um skeið fyri lærarar og námsfrøðingar og aðrar bachelorar, sum vilja menna sín tónleikaprofil
Námsvísindadeildin á Fróðskaparsetrinum bjóðar eitt eftirútbúgvingarskeið fyri føroyskar fólkaskúlalærarar og námsfrøðingar, sum vilja menna sín tónleikafakliga profil og nema sær nærri kunnleika í tónleikaástøði, og hvussu henda vitanin kann brúkast í egnum yrki.
Eisini onnur, sum hava eina viðkomandi bachelorútbúgving, kunnu taka skeiðið.
Skeiðið gevur tær innlit í tónleikaástøðilig grundviðurskifti, og tú lærir teg at brúka og miðla tónleikaástøði í skrift og talu.
Endamálið er at gera teg kunnugan við tónleikaástøðið, sum er eitt skrivligt útgangsstøði í vesturlendskari tónlist, m.a. tónsetingarlist, fólkatónleiki og populertónleiki. Sum luttakari á skeiðnum lærir tú teg at at brúka og miðla tónleikaástøði í skrift og talu og í tínum virki við børnum/brúkarum í ymsum aldri.
Skeiðið er ein skipað og stigvís gjøgnumgongd av evnum so sum nótaskipan, taktsløgum, tónasløgum, harmonikki, tónlistaligum hugtøkum, umframt tónleikadidaktikki og -námsfrøði.
Undirvísingin byggir á fyrilestrar og kjak, venjingar, heimauppgávur og framløgur frá luttakarunum á skeiðnum, har tey greiða hvør øðrum frá, hvussu tey hava loyst ávísar uppgávur. Eisini verða hoyrivenjingar.
Undirvíst verður hvønn fríggjadag seinnapart frá klokkan 13-17 frá 10. september 2021 til 14. januar 2022 (vikurnar 36-2).
Próvtøkan verður fríggjadagin 21. januar 2022 frá klokkan 13-16.
Skeiðið kann setast saman við øðrum skeiðum til eitt linjufak í tónleiki.
Fróðskaparsetur Føroya tilskilar sær rætt til at avlýsa skeiðið, um ov fá tekna seg
Tal ECTS: | 15 |
Prísur: | 21.000 kr. |
Fortreytir: | Lærara- ella námsfrøðingaprógv ella annað viðkomandi prógv á bachelorstigi |
Nærri kunning | Knút Háberg Eysturstein, eysturstein@yahoo.co.uk |
Tilmeldingarfreist | 15. august 2021 |
Umsóknarblað fæst HER
Skeiðslýsing sæst HER.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...