Um allar gáttir

Ein dagur í Norðurlandahúsinum um yrkingar og myndir eftir Tórodd Poulsen

Fríggjadagin 24. november skipa Føroyamálsdeildin og Norðurlandahúsið fyri einum degi um yrkjaran og myndlistamannin Tórodd Poulsen. Tóroddur Poulsen hevur givið út fleiri enn 30 yrkingasøvn. Harumframt hevur hann regluliga listaframsýningar, og hann blandar ikki so sjáldan myndir og tekst.

Dagurin er skipaður sum eitt seminar. Føroyskir og útlendskir granskarar fara at halda fyrilestrar um tættir í yrkingum og myndum eftir Tórodd. Byrjað verður kl. 10 og endað verður kl. 15. Ókeypis atgongd.

Skráin sæst HER

Í fyrireikingarnevndini eru: Turið Sigurðardóttir, Bergur Djurhuus Hansen, Kinna Poulsen og Inger Smærup Sørensen.