![](https://setur.cdn.fo/savn/3973/logo_04.jpg?width=624&height=350&rmode=crop&s=d-sBRYeJ1pZCp5-QRyLPFoLiX2Y)
Upprit um "búskaparrentu" og "tilfeingisrentu" í føroyska búskapinum
Í uppritinum verða ymisk hugtøk í tilknýti til búskaparrentu og tilfeingisrentu lýst neyvari, og eisini eru útrokningar gjørdar til tess at meta um aktuellu og optimalu tilfeingisrentuna í føroyska búskapinum.
Seinastu nógvu árini hevur eitt kjak verið um hugtøkini "tilfeingisrentu" og "tilfeingisgjald" í føroyska búskapinum. Eisini hevur eitt kjak verið um búskaparpolitisku handfaringina av hesum fyribrigdi.
Eftir meting Búskaparráðsins hevur hetta orðaskifti verið merkt av, at partarnir í orðaskiftinum ikki hava verið fullgreiðir yvir týdningin av týðandi hugtøkum og fyribrigdum, ið natúrliga eru tongd at fyribrigdunum "búskaparrenta" og "tilfeingisrenta". ("Tilfeingisrenta" er her at skilja sum eitt undirhugtak til hugtakið "búskaparrentu").
Leggja partarnir í einum orðaskifti ymsan týdning í somu hugtøk, tosa partarnir forbí hvønn annan. Hetta ger vanligt orðaskifti (dialog) ómøguligt. Vit meta eitt slíkt orðaskifti at vera viðkomandi fyri Føroyar. Lutfalsliga nógv í føroyska búskapinum er tongt at serligum tilfeingisviðurskiftum.
Fyri at gera eina roynd til at bøta um hesi viðurskifti almannakunnger Búskaparráðið hervið hjálagda upprit um "búskaparrentu" og "tilfeingisrentu" í føroyska búskapinum.
Í uppritinum verða ymisk hugtøk í tilknýti til búskaparrentu og tilfeingisrentu lýst neyvari, og eisini eru útrokningar gjørdar til tess at meta um aktuellu og optimalu tilfeingisrentuna í føroyska búskapinum.
Búskaparráðið 26. juni 2014
Sverri Hansen, formaður
Thomas Dam
Herit V. Albinus
Búskaparrenta_og_tilfeingisrenta.pdf- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...