Upptøkan á Setrinum klár

Komandi dagarnar fáa tilsamans 248 umsøkjarar til útbúgvingarnar á Fróðskaparsetrinum boð um, at tey eru upptikin.

Tilsamans 381 umsóknir komu inn til útbúgvingarnar á Setrinum. Av hesum eru sum sagt 248, sum fáa lestrarpláss í boði eftir summarfrítíðina.

Býtið millum útbúgvingarnar gjørdist soleiðis:

• Føroyskt 22
• Orkuverkfrøði 20
• Lærara 36
• Námsfrøði 35
• Sjúkrarøktarfrøði 22
• Sosialvísindi og samfelagsplanlegging (samfelagsvísindi) 34
• Politikkur og umsiting (samfelagsvísindi) 13
• Søga (Smátjóðir og altjóðagerð) 24
• Master í løgfrøði 24
• Master í føroyskum 1
• Masterlæra í søgu- og samfelagsvísindum 17

Í ár varð afturat bachelor lestri aftur boðin út MA-lestur: Eftir summarfrítíðina byrja 206 nýggj lesandi sín BA-lestur, meðan 42 fara undir MA-lestur.

133 fáa at vita, at tey standa á bíðilista ella fáa avslag.

Øll fáa skrivlig boð um sína støðu. Brævbjálvarnir eru umsøkjarunum í hendi mikudagin 15. juli.