![](https://setur.cdn.fo/savn/6569/la-liga-2.jpg?width=624&height=350&rmode=crop&s=GsBuf7RNkGI_DrqIufVj8CILhl0)
Úrvalsfótbóltur eftir koronastongsilin
Hvussu fyrireika fótbóltsspælarar á úrvalsliðum seg best til kappingarnar, eftir ikki at hava spælt so leingi? Hetta viðger Magni Mohr, professari á Setrinum og starvsfelagar í nýggjari grein í vísindaligum tíðarriti
Magni Mohr, professari á Deildini fyri Heilsu- og sjúkrarøktarvísindi er høvuðsrithøvundi í nýggjari grein í vísindaliga tíðarritinum “Managing Sport and Leisure”.
Greinin ber heitið “Return to elite football after the COVID-19 lockdown” og viðger, hvussu úrvalsfótbóltsleikarar á besta og tryggasta hátt fyrireika seg til komandi kappingar, sum nú spakuliga byrja aftur.
- Vit hava arbeitt miðvíst við at fáa greinina út júst nú, tá úrvalsfótbólturin fer á rull aftur í Europa, men undir sera truplum, øðrvísi og avbjóðandi umstøðum, sigur Magni Mohr í stuttari viðmerking.
Greinina hevur hann skrivað saman við donskum, grikskum, italskum og portugisiskum granskarum, og hetta er onnur COVID-19-greinin, sum Magni Mohr hevur fingið almannakunngjørda.
Greinin kann lesast her.
Smittuvandi í barnafótbólti
Magni Mohr arbeiðir annars við eini aðrari verkætlan saman við øðrum europeiskum granskarum, har kannað verður, hvussu stórur COVID-19-smittuvandin er í barnafótbólti og heilsufótbólti.
Hetta verður m.a. gjørt við at máta við serligari GPS-útgerð, hvussu langa tíð børnini og tey vaksnu eru í teoretiskum smittuvandu undir ymiskum fótbóltsspølum.
- Tað er so sjálvsagt, at vit kanna hetta í Føroyum, sum var fyrsta landið í Europa, har vit fóru aftur at spæla fótbólt, sigur Magni Mohr.
Úrslitini verða væntandi tøk um ein góðan mánað, sigur hann.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...