![](https://setur.cdn.fo/savn/3764/menn_a_dekki.jpg?width=624&height=350&rmode=crop&s=st5e8kXQSxWVxAR1NzgzPKra5Pg)
Væl eydnaður Frændafundur farin afturum
Vikuskiftið 24.-25. august 2013 varð 8. føroysk-íslendska granskingarráðstevnan í frændafunda-røðini hildin á Fróðskaparsetri Føroya. Granskarar úr Føroyum, Íslandi, Noregi og Hollandi hildu til samans 36 fyrilestrar um íslendsk og føroysk evnir.
Fyrsti Frændafundur var í Reykjavík 20.-21. august 1992. Formaður í íslendsku Føroyanevndini hevur frá byrjan og til í ár verið Ingi Sigurðsson, professari í søgu við Háskóla Íslands. Ingi hevur skrivað í frændafundaritini um hugburð íslendinga til føroyingar og Føroyar (FF 1), hann hevur borið saman ávirkanina frá fjøltjóðaligum hugmyndum á føroyingar og íslendingar frá miðjari 18. til miðja 19. øld (FF 5). Á Frændafundi í ár bar Ingi saman megintættir í søgu Íslands og Føroya.
Íslandsnevndin á Fróðskaparsetri Føroya og Føroyanevndin í Háskóla Íslands takkaðu Inga fyri hansara leiklut í at røkja og menna samstarvið millum føroyska og íslendska gransking øll hesi árini. Nýggi formaðurin í íslendsku Føroyanevndini er María Garðarsdóttir, adjunktur í íslendskum sum øðrum máli.
![](/fileadmin/user_upload/news/Ingi_Sigurdsson.jpg)
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...