![](https://setur.cdn.fo/savn/3532/csm_lesandi_01_e8da334707.jpg?width=624&height=350&rmode=crop&s=wEgW3XFKxcwNu1aNWDb7tKbV6QM)
Væleydnaður innleiðsludagur
Í dag hevur verið skipað fyri innleiðsludegi fyri tey nýggju lesandi á Setrinum. Tiltakið, sum byrjaði klokkan 9, var fyriskipað á fabrikkini hjá Östrøm.
Á innleiðsludegnum fingu øll tey nýggju lesandi á Setrinum høvi at hittast og heilsa uppá hvønn annan.
Fyrsti parturin av tiltakinum var ein PetroUniversity kapping, sum FOÍB og Simprentis skipaðu fyri, við stuðuli frá Statoil. Luttakarnir vórðu býttir í bólkar, har hvør bólkur var eitt oljufelag, sum skuldi leitað eftir olju og gassi í lærisimuleringini OilSim. Vinningur var til besta bólkin, eitt gávukort til SMS. Heppni vinnarin varð bólkurin við Oil4Fun við luttakarunum Marta N. Hansen, Ragnar Djurhuus og Annemie Magnussen. Samlaða úrslitið sæst her
Endamálið við hesi kapping var at geva teimum lesandi eitt høvi at kennast betur, umframt at geva teimum innlit í eitt øðrvísi læringsamboð og innlit í oljuleiting, nú Statoil saman við øðrum borar áttanda leitibrunnin í føroyskum øki.
Seinnapartin bjóðaði rektarin á Setrinum, Sigurð í Jákupsstovu, teimum nýggju lesandi vælkomin og kunnað varð eisini um studentaviðurskiftir, har Stuðni, Landsbókasavnið, MFS, Ó og Altjóða Skrivstovan fingu orðið.
Eftir hetta hevði Jákup Veyhe eina øðrvísi kunning fyri nýggju studentunum og tiltakið endaði við sangi og spæli frá Finni Koba.
Sí myndir frá tiltakinum
Les røðuna frá rektaranum á Setrinum, Sigurð í Jákupsstovu
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...