![](https://setur.cdn.fo/savn/8170/magnus-rasmussen-2.png?width=624&height=350&rmode=crop&bgcolor=fff&format=jpg&s=ozZ6a6Fu7yNivBiWjxqeKXA1Ngk)
Vil lata 10 mió til gransking í arbeiðsmarknaðinum
Magnus Rasmussen, landsstýrismaður í umhvørvis- og vinnumálum, hevur lagt uppskot fyri løgtingið, sum m.a. ber í sær, at 10 milliónir krónur verða til arbeiðsmarknaðargransking
Ætlanin hjá landsstýrinum er at taka Frítíðargrunnin av og flyta fæið í grunninum til Granskingarráðið. Talan er um 10 milliónir krónur, sum verða markaðar til at granska í arbeiðsmarknaðarviðurskiftum.
Granskingarrráðið hevur hugt í uppskotið og skrivar á heimasíðu sínari, at nevndin í Frítíðargrunninum heldur, at tíðin er farin frá grunninum.
Partarnir á arbeiðsmarknaðinum eru tó ikki á einum máli um, hvussu fæið eigur at verða brúkt, men fleiri mæla til, at peningurin verður brúktur til gransking í ymsum viðurskiftum á arbeiðsmarknaðinum.
Ikki verður nógv granskað í arbeiðsmarknaðarviðurskiftum í Føroyum, tó at hetta er gransking, sum hevur stóran týdning, og mál á arbeiðsmarknaðinum mangan eru á almenna breddanum. Skotið verður tí upp at leggja fæ grunsins saman við møguligum rakstraravlopi til Granskingarráðið at luta út til gransking í arbeiðsmarknaðinum.
Granskingarráðið skal umsita peningin eftir reglum, sum landsstýrismaðurin fer at áseta við heimild í lógini.
Uppskotið fær fyrstu viðgerð í tinginum hósdagin 24. februar.
Lógaruppskotið við viðmerkingum og hoyringssvarum kann lesast her.
- 12.07.2024 Setrið Søgu- og samfelagsdeildinTekna teg til gott stakskeið í lóg og leiðsluSøk um pláss á spennandi masterskeiði í Lóg og Leiðslu áð...
- 12.07.2024 Setrið Søgu- og samfelagsdeildinKom á stakskeið í búskaparstýring fyri leiðararSøk um pláss á spennandi masterskeiði í búskaparstýring f...
- 12.07.2024 SetriðNýggi bygningurin hjá Setrinum verður nú projekteraðurLandsverk hevur skrivað undir ráðgevarasáttmála við Henni...