![](https://setur.cdn.fo/savn/3292/grothus_04.jpg?width=624&height=350&rmode=crop&s=PT-l4s_sEyfhjfXTQRowH-pTV9g)
Vilt tú ávirka framtíðina á Setrinum?
Val av studentaumboði til stýrið fyri Setrið verður mikudagin 30. november 2011
Einaferð um árið verða studentaumboð og eykaumboð vald til stýrið fyri Fróðskaparsetur Føroya. Um tú verður vald/ur í stýrið, fært tú høvi til at ávirka framtíðina hjá Setrinum, og tú fært royndir við stýrisarbeiði, samstundis sum tú ert lesandi á Setrinum.
Millum málini, sum stýrið skal taka støðu til komandi árið, er verksetan av nýggjum bygnaði og ætlan fyri Setrið umframt uppskot til nýggj útbúgvingartilboð.
Stýrið er ovasti myndugleiki á Fróðskaparsetrinum (sí lógina fyri Fróðskaparsetur Føroya ). Tað eru sjey limir í stýrinum. Landsstýriskvinnan/maðurin í mentamálum tilnevnir fýra stýrislimir beinleiðis - tríggir stýrislimir verða tilnevndir, eftir at teir eru valdir á Setrinum. Tveir umboða starvsfólkini og triði valdi stýrislimurin umboðar studentarnar á Setrinum.
Stýrið hittist minst fýra ferðir um árið, og reglugerðin fyri stýrisarbeiðið liggur á heimasíðuni. Samsýningin fyri stýrisarbeiðið er 2.000 kr/mð.
Øll lesandi, ið eru innskrivað á Setrinum tann fyrsta í mánaðinum, sum valið fer fram, hava valrætt og eru valbar, íroknað ph.d.-lesandi.
Hevur tú hug at stilla upp til valið, skalt tú fylla út skjalið: “Váttan um uppstilling” og lata tað inn á skrivstovuna á deildini í seinasta lagi 2. november 2011.
Vegleiðing fyri val av starvsfólki og lesandi til stýrið fyri Fróðskaparsetur Føroya liggur á heimasíðuni.
- 16.08.2024 FróðskapurSeinastu tvær greinarnar frá Eivindi Weyhe sálaTvær stuttar greinar um staðarnøvn eftir Eivind Weyhe sál...
- 24.07.2024 Setrið Deildin fyri Heilsu- og SjúkrarøktarvísindiDiabetes2: Evstamark at melda til kanningina er 31. juliFróðskaparsetur Føroya og Steno Miðstøðin í Sjúkrahúsverk...
- 23.07.2024 Setrið FøroyamálsdeildinMinningarorð um Eivind WeyheViðhvørt virkar tað sum um, at ringitónin á telefonini lj...